سورة الانعام

وَمَا تَأْتِيهِم مِّنْ آيَةٍ مِّنْ آيَاتِ رَبِّهِمْ إِلَّا كَانُوا عَنْهَا مُعْرِضِينَ

اور ان کے پاس کوئی نشانی بھی ان کے رب کی نشانیوں میں سے نہیں آتی مگر وہ اس سے اعراض ہی کرتے ہیں

یہاں اس آیت سے مراد قرآن کی کوئی آیت بھی ہوسکتی ہے کوئی معجزہ اور کوئی واضح دلیل بھی یعنی جو کافر انکار کرنے کا ہی تہیہ کر بیٹھے ہیں ان کے لیے نہ کوئی دلیل ہوتی ہے نہ معجزہ نہ پندو نصیحت۔ نشانی سے اعراض کرنا: اللہ تعالیٰ نشانیاں بھیجتے ہیں اور انسان منہ موڑتا ہے کیوں؟ انسان اپنی مرضی کی زندگی جینا چاہتا ہے آزاد رہنا چاہتا ہے اپنی مرضی کے عقیدے پر قائم رہناچاہتا ہے ۔ وہ چاہتا ہے کوئی پوچھنے والا نہ ہو کوئی جزا سزا دینے والا نہ ہو۔