سورة البقرة

قَالُوا ادْعُ لَنَا رَبَّكَ يُبَيِّن لَّنَا مَا هِيَ ۚ قَالَ إِنَّهُ يَقُولُ إِنَّهَا بَقَرَةٌ لَّا فَارِضٌ وَلَا بِكْرٌ عَوَانٌ بَيْنَ ذَٰلِكَ ۖ فَافْعَلُوا مَا تُؤْمَرُونَ

انہوں نے کہا اے موسیٰ دعا کیجئے کہ اللہ تعالیٰ ہمارے لئے اس کا حلیہ بیان کر دے، آپ نے فرمایا سنو وہ گائے نہ تو بالکل بڑھیا ہو، نہ بچہ، بلکہ درمیانی عمر کی نوجوان ہو، اب جو تمہیں حکم دیا گیا ہے بجا لاؤ۔

اللہ تعالیٰ نے نبی کے ذریعے صرف گائے ذبح کرنے کا حکم دیا تھا۔ انھوں نے واضح نشانیاں دریافت کرنا شروع کردیں اور جوں جوں وہ سوال کرتے گئے پابندیاں بڑھتی گئیں۔ زیادہ سوالات سے بے حسی بڑھتی ہے اور یہ بے حسی اللہ کی یاد سے غافل ہونے کا سبب بنتی ہے۔