سورة المآئدہ

يَا أَيُّهَا الَّذِينَ آمَنُوا لَا تَتَّخِذُوا الَّذِينَ اتَّخَذُوا دِينَكُمْ هُزُوًا وَلَعِبًا مِّنَ الَّذِينَ أُوتُوا الْكِتَابَ مِن قَبْلِكُمْ وَالْكُفَّارَ أَوْلِيَاءَ ۚ وَاتَّقُوا اللَّهَ إِن كُنتُم مُّؤْمِنِينَ

مسلمانو! ان لوگوں کو دوست نہ بناؤ جو تمہارے دین کو ہنسی کھیل بنائے ہوئے ہیں (خواہ) وہ ان میں سے ہوں جو تم سے پہلے کتاب دیئے گئے یا کفار ہوں (١) اگر تم مومن ہو تو اللہ تعالیٰ سے ڈرتے رہو۔

آیت نمبر ۵۲ سے لیکر اس آیت تک اللہ تعالیٰ ایمان والوں کو تاکید درتاکید فرما رہے ہیں کہ اہل کتاب ہوں یا دوسرے کا فر و مشکوک ہوں ان میں سے کسی سے بھی دوستی نہ گانٹھو۔ جو لوگ بھی اللہ کا، اللہ کے رسول کا، اللہ کی آیات کا اور دین کی دوسری باتوں کا مذاق اڑاتے ہیں، ان میں سے کسی سے بھی دوستی نہ گانٹھو، ایسے لوگ کبھی تمہارے خیر خواہ نہیں ہوسکتے۔