سورة المآئدہ - آیت 39
فَمَن تَابَ مِن بَعْدِ ظُلْمِهِ وَأَصْلَحَ فَإِنَّ اللَّهَ يَتُوبُ عَلَيْهِ ۗ إِنَّ اللَّهَ غَفُورٌ رَّحِيمٌ
ترجمہ مکہ - مولانا جوناگڑھی صاحب
جو شخص اپنے گناہ کے بعد توبہ کرلے اور اصلاح کرلے تو اللہ تعالیٰ رحمت کے ساتھ اس کی طرف لوٹتا ہے (١) یقیناً اللہ تعالیٰ معاف فرمانے والا مہربانی کرنے والا ہے۔
تسہیل البیان فی تفسیر القرآن - ام عمران شکیلہ بنت میاں فضل حسین
توبہ کا دروازہ کھلا ہے۔ اگر کوئی شخص ظلم کرنے کے بعد ندامت محسوس کرتا ہے اور اللہ کے حضور توبہ کرتا ہے تو اللہ تعالیٰ رحم کرنے والا بخشنے والا ہے لیکن توبہ سے چوری کی یا کسی اور قابل حد جُرم کی سز ا معاف نہیں ہوگی۔