سورة العاديات - آیت 1

وَالْعَادِيَاتِ ضَبْحًا

ترجمہ مکہ - مولانا جوناگڑھی صاحب

ہانپتے ہوئے دوڑنے والے گھوڑوں کی قسم (١)

تسہیل البیان فی تفسیر القرآن - ام عمران شکیلہ بنت میاں فضل حسین

اللہ تعالیٰ قسم كھاتا ہے مجاہدین كے گھوڑوں كی جب كہ وہ خدا كی راہ میں جہاد كے لیے ہانپتے اور ہنہناتے ہوئے دوڑتے ہیں۔ پھر تیزی سے دوڑتے ہوئے پتھروں كے ساتھ ان كی نعل كا ٹكرانا اور اس رگڑ سے آگ كی چنگاریاں اڑانا پھر صبح كے وقت دشمن پر ان كا چھاپہ مارنا اور دشمنان خدا كو تہہ وبالا كرنا، یعنی یہ كفار كے لشكر پر جا پڑتے ہیں۔ چنانچہ رسول اللہ صلی اللہ علیہ وسلم كی عادت مباركہ تھی كہ آپ صلی اللہ علیہ وسلم كسی منزل پر پہنچ جاتے تو صبح كا انتظار كرتے رہتے، اگر بستی سے اذان كی آواز آجاتی تو پھر حملہ نہیں كرتے تھے اور اگر نہ آتی تو حملہ كر دیتے۔(مسلم: ۳۸۲)