سورة التين

إِلَّا الَّذِينَ آمَنُوا وَعَمِلُوا الصَّالِحَاتِ فَلَهُمْ أَجْرٌ غَيْرُ مَمْنُونٍ

لیکن جو لوگ ایمان لائے اور (پھر) نیک عمل کئے تو ان کے لئے ایسا اجر ہے جو کبھی ختم نہ ہوگا۔

اجر پانے والے لوگ: سورہ العصر میں ہے كہ: تمام انسان نقصان میں ہیں سوائے ایمان اور عمل صالح والوں كے كہ انھیں جزا وہ ملے گی جس كی انتہا نہ ہو۔ یہی لوگ احسن تقویم كا حق ادا كرتے ہیں۔ جو اچھے عمل كریں انھیں اچھا بدلہ دیا جائے گا اور بدكردار لوگوں كو ان كے اعمال كی پوری پوری سزا دی جائے گی اور یہی چیز نظریہ آخرت ہے۔