سورة الغاشية

وُجُوهٌ يَوْمَئِذٍ نَّاعِمَةٌ

بہت سے چہرے اس دن تروتازہ اور (آسودہ) حال ہونگے۔

ہر طرف سلام ہی سلام ہے: اوپر والی آیات میں چونكہ بدكاروں كا اور ان كا عذابوں كا ذكر ہوا تھا۔ اب یہاں نیكو كاروں اور اُن كے ثوابوں كا بیان ہو رہا ہے۔ فرمایا اس دن بہت سے چہرے ایسے بھی ہوں گے جن پر خوشی اور آسودگی كے آثار نمایاں ہوں گے یہ اپنے اعمال سے خوش ہوں گے، جنت كے بلند و بالا خانوں میں ہوں گے۔ جن میں كوئی لغو بات نہ سنیں گے۔ جیسا كہ سورۂ مریم ۶۲ میں ہے: ﴿لَا يَسْمَعُوْنَ فِيْهَا لَغْوًا اِلَّا سَلٰمًا﴾ اس میں سوائے سلامتی اور سلام كے كوئی بری بات نہ سنیں گے۔ اور سورة الطور میں ۲۳ میں ہے: ﴿لَا لَغْوٌ فِيْهَا وَ لَا تَاْثِيْمٌ﴾ نہ اس میں بیہودگی ہے نہ گناہ كی باتیں۔