ناصِبَةٌ: كے معنی ہیں تھك كر چور ہو جانا، یعنی انھیں اتنا پر مشقت عذاب ہوگا كہ اس سے ان كا برا حال ہوگا۔ ان لوگوں كے گلوں ميں طوق اور پاؤں میں بیڑیاں ہوں گی۔ اس حال میں كبھی انھیں بلندی پر چڑھنے اور كبھی اترنے كا حكم دیا جائے گا اس كا دوسرا مفہوم یہ ہے كہ دنیا میں سب عمل كرتے رہے ہوں گے لیكن وہ عمل باطل مذہب كے مطابق یا بدعات پر مبنی ہوں گے۔ اس لیے اعمال شاقہ اور عبادات كے باوجود جہنم میں جائیں گے۔