سورة الأعلى

سَنُقْرِئُكَ فَلَا تَنسَىٰ

ہم تجھے پڑھائیں گے پھر تو نہ بولے گا (١)

حضرت جبرائیل علیہ السلام وحي لے كر آئے تو آپ اسے جلدی جلدی پڑھتے تاكہ بھول نہ جائیں۔ اللہ تعالیٰ نے فرمایا: اس طرح جلدی نہ كریں۔ نازل شدہ وحي ہم آپ كو پڑھائیں گے یعنی آپ كی زبان پر جاری كر دیں گے، پس آپ اسے بھولیں گے نہیں، مگر جسے اللہ چاہے گا، لیكن اللہ نے ایسا نہیں چاہا، اس لیے آپ كو سب كچھ یاد رہا۔ بھولنے كی بھی دو صورتیں ہیں: (۱) ایک حدیث میں آتا ہے کہ: ’’ایك دفعہ آپ صبح كی نماز پڑھا رہے تھے اور قراءت كے دوران ایك آیت چھوڑ گئے۔ نماز كے بعد سیّدنا ابی بن كعب رضی اللہ عنہ نے پوچھا! كیا یہ آیت منسوخ ہو چكی ہے؟ آپ صلی اللہ علیہ وسلم نے فرمایا: نہیں میں بھول گیا تھا۔ (ابو داؤد: ۸۶۹) (۲) بھولنے کی دوسری صورت یہ ہے کہ سیّدنا ابن عباس كی قراءت كے مطابق فَمَا اسْتَمْتَعْتُمْ بِہٖ مِنْہُنَّ كے آگے اِلٰی اَجَلٍ مُّسَمًّی كے الفاظ بھی موجود تھے۔ پھر جب متعہ كو مكمل طور پر حرام كر دیا گیا تو اس قراءت كے الفاظ بھی منسوخ كر دیے گئے۔ اس قسم كی منسوخی كے متعلق قرآن كریم ميں بے شمار آیات ہیں سورة البقرہ ۱۰۶، سورة الرعد ۳۹۔۴۰، سورۂ النحل ۱۰۱ یہ اللہ كی حكمتیں ہیں آیات كی منسوخي كی آسان شكل یہ تھی كہ جب آپ جبرائیل سے دورہ قرآن كرتے تو وہ آیت یا اس كے كچھ الفاظ آپ كو بھلا دیے جاتے تھے۔