سورة الإنسان - آیت 2

إِنَّا خَلَقْنَا الْإِنسَانَ مِن نُّطْفَةٍ أَمْشَاجٍ نَّبْتَلِيهِ فَجَعَلْنَاهُ سَمِيعًا بَصِيرًا

ترجمہ مکہ - مولانا جوناگڑھی صاحب

بیشک ہم نے انسان کو ملے جلے نطفے سے امتحان کے لئے (١) پیدا کیا اور اس کو سنتا دیکھتا بنایا (٢)

تسہیل البیان فی تفسیر القرآن - ام عمران شکیلہ بنت میاں فضل حسین

یعنی باپ كا نطفہ الگ تھا اور ماں كا الگ۔ ان دونوں نطفوں كے ملاپ سے ماں كے رحم میں حمل قرار پایا۔ پھر ہم نے اس مخلوط نطفہ كو ایك ہی حالت میں پڑا نہیں رہنے دیا بلكہ ہم اسے الٹتے پلٹتے رہے۔ اور رحم مادر میں اس نطفہ كو كئی اطوار سے گزار كر اسے ایك جیتا جاگتا انسان بنا دیا۔ اسے سماعت اور بصارت كی قوتیں عطا كیں تاكہ وہ سب كچھ دیكھ اور سن سكے اور اس كے بعد اطاعت یا معصیت، دونوں راستوں میں كسی ایك كا انتخاب كر سكے۔