سورة المدثر

وَلَا تَمْنُن تَسْتَكْثِرُ

اور احسان کرکے زیادہ لینے کی خواہش نہ کر (١)

نیكی كر دریا میں ڈال: یعنی عطیہ دے كر زیادتی كے خواہاں نہ رہو۔ یعنی جس عظیم مقصد كے لیے آپ كو تیار كیا جا رہا ہے اور جس طرح آپ كو پوری نوع انسانی كی ہدایت كی خدمت سپرد كی جانے والی ہے اس كے لیے ابتدا ہی میں آپ كو یہ ہدایت كی گئی ہے كہ كسی طرح كے فائدہ، لالچ، غرض اور معاوضہ كا طمع ركھے بغیر لوگوں سے دینی اور دنیوی بھلائیاں كرنا ہوں گی اور اس راہ میں آپ صلی اللہ علیہ وسلم كو جتنے بھی مصائب پیش آئیں انھیں خندہ پیشانی سے اللہ كی رضا كی خاطر برداشت كرنا ہوگا اللہ تعالیٰ آپ كو ان باتوں كا سب سے زیادہ اجر عطا فرمائے گا۔