سورة المزمل

يَوْمَ تَرْجُفُ الْأَرْضُ وَالْجِبَالُ وَكَانَتِ الْجِبَالُ كَثِيبًا مَّهِيلًا

جس دن زمین اور پہاڑ تھر تھرائیں گے اور پہاڑ مثل بھربھری ریت کے ٹیلوں کے ہوجائیں گے۔ (١)

یعنی آج تو پہاڑوں كی جڑیں زمین كے اندر دور تك نیچے مضبوط جمی ہوئی ہیں مگر قیامت كے دن پہاڑوں كی یہ گرفت ڈھیلی پڑ جائے گی۔ زمین میں بھی بھونچال آئیں گے اور پہاڑ بھی لرزنے لگیں گے نتیجہ یہ ہوگا كہ پہاڑوں كے پتھر ایك دوسرے كے اوپر ہی گر گر كر ریزہ ریزہ ہو جائیں گے اور ریت كے ایسے نرم تودے بن جائیں گے كہ پاؤں ان كے اندر دھنسنے لگیں گے۔ كثیبً بمعنی ریت كا ٹیلہ، مَھِیْلًا سے مراد بھربھری۔ پیروں كے نیچے سے نكل جانے والی ریت۔