سورة المزمل - آیت 0

بِسْمِ اللَّهِ الرَّحْمَٰنِ الرَّحِيمِ

ترجمہ مکہ - مولانا جوناگڑھی صاحب

شروع اللہ کے نام سے جو بیحد مہربان نہایت رحم والا ہے (سورۃ المزمل۔ سورۃ نمبر ٧٣۔ تعداد آیات ٢٠)

تسہیل البیان فی تفسیر القرآن - ام عمران شکیلہ بنت میاں فضل حسین

تعارف: اس سورت كے دو ركوع ہیں پہلا ركوع بالاتفاق مكہ میں اور ابتدائی دور میں نازل ہوا تھا۔ جب كہ دوسرا ركوع مدنی دور میں نازل شدہ معلوم ہوتا ہے۔ اس میں قتال فی سبیل اللہ كا بھی ذكر ہے۔ اور فرض صدقہ یعنی زكوٰة كا بھی۔ اور یہ دونوں باتیں مدنی دور میں فرض ہوئی تھیں۔ مكی دور میں قتال فی سبیل اللہ كی تو اجازت ہی نہیں دی گئی تھی۔ اسی طرح مكی دور میں انفاق فی سبیل اللہ كا حكم تو موجود تھا۔ لیكن زكوٰة كے احكام نازل نہیں ہوئے تھے۔