إِن تَتُوبَا إِلَى اللَّهِ فَقَدْ صَغَتْ قُلُوبُكُمَا ۖ وَإِن تَظَاهَرَا عَلَيْهِ فَإِنَّ اللَّهَ هُوَ مَوْلَاهُ وَجِبْرِيلُ وَصَالِحُ الْمُؤْمِنِينَ ۖ وَالْمَلَائِكَةُ بَعْدَ ذَٰلِكَ ظَهِيرٌ
اے نبی کی دونوں بیویو !) اگر تم دونوں اللہ کے سامنے توبہ کرلو (تو بہت بہتر ہے) (١) یقیناً تمہارے دل جھک پڑے ہیں (٢) اور اگر تم نبی کے خلاف ایک دوسرے کی مدد کرو گی پس یقیناً اس کا کار ساز اللہ ہے اور جبرائیل ہیں اور نیک ایماندار اور ان کے علاوہ فرشتے بھی مدد کرنے والے ہیں (٣)
سیدہ عائشہ اور سیدہ حفصہ رضی اللہ عنہما پر عتاب: ان دونوں ازواج مطہرات كو متنبہ كرتے ہوئے فرمایا گیا كہ اگر توبہ كر لو، تو یہی تمہارے حق میں بہتر ہے، اور نبی كو ستانا چھوڑ دو اگر یونہی ایكا كر كے اسی طرح كی كارروائیاں اور مظاہرے كرتی رہیں تو اس سے اللہ كے رسول صلی اللہ علیہ وسلم كا كچھ نہیں بگڑے گا اس لیے كہ نبی صلی اللہ علیہ وسلم كا مددگار تو اللہ بھی ہے اور مومنین اور ملائكہ بھی۔