سورة التغابن

أَلَمْ يَأْتِكُمْ نَبَأُ الَّذِينَ كَفَرُوا مِن قَبْلُ فَذَاقُوا وَبَالَ أَمْرِهِمْ وَلَهُمْ عَذَابٌ أَلِيمٌ

کیا تمہارے پاس اس سے پہلے کے کافروں کی خبر نہیں پہنچی؟ جنہوں نے اپنے اعمال کا وبال چکھ لیا (١) اور جن کے لئے دردناک عذاب ہے (٢)

’’ان لوگوں‘‘ سے مراد وہ سابقہ اقوام ہیں جن پر اللہ كی نافرمانیوں كی وجہ سے عذاب آیا تھا، اور یہ سزا نہ تو ان كی اصل سزا تھی اور نہ پوری سزا تھی۔ یہ عذاب تو انھیں محض اس لیے چكھایا گیا تھا كہ آئندہ جرائم سے باز آجائیں۔ اور مظلوم ان كے ظلم سے نجات پا جائیں۔ رہی پوری سزا تو وہ آخرت میں ملے گی۔