سورة الحديد - آیت 18

إِنَّ الْمُصَّدِّقِينَ وَالْمُصَّدِّقَاتِ وَأَقْرَضُوا اللَّهَ قَرْضًا حَسَنًا يُضَاعَفُ لَهُمْ وَلَهُمْ أَجْرٌ كَرِيمٌ

ترجمہ مکہ - مولانا جوناگڑھی صاحب

بیشک صدقہ دینے والے مرد اور صدقہ دینے والی عورتیں اور جو اللہ کو خلوص کے ساتھ قرض دے رہے ہیں۔ ان کے لئے یہ بڑھایا جائے گا (١) اور ان کے لئے پسندیدہ اجر و ثواب ہے۔ (٢)

تسہیل البیان فی تفسیر القرآن - ام عمران شکیلہ بنت میاں فضل حسین

صدقہ وخیرات کرنے والوں کے لیے اجر وثواب: یعنی فقیر مسکین، محتاجوں اور حاجت مندوں کو خالص اللہ کی رضا کی جستجو میں جو لوگ اپنے حلال مال نیک نیتی سے راہ خدا میں صدقہ دیتے ہیں۔ ان کے بدلے اللہ تعالیٰ بہت کچھ بڑھا چڑھا کر انھیں عطا فرمائے گا۔ دس گنا اور اس سے بھی زیادہ، سات سات سو تک بلکہ ان کے ثواب بے حساب ہیں۔ مزید تشریح کے لیے اسی سورئہ کی آیت نمبر ۱۱ دیکھ لی جائے۔