سورة النسآء

وَإِذَا حَضَرَ الْقِسْمَةَ أُولُو الْقُرْبَىٰ وَالْيَتَامَىٰ وَالْمَسَاكِينُ فَارْزُقُوهُم مِّنْهُ وَقُولُوا لَهُمْ قَوْلًا مَّعْرُوفًا

جب تقسیم کے وقت قرابت دار اور یتیم اور مسکین آ جائیں تو تم اس میں سے تھوڑا بہت انہیں بھی دے دو اور ان سے نرمی سے بولو (١)۔

میراث کی تقسیم کے وقت اگر خاندان کے کچھ یتیم و مسکین رشتہ دار آجائیں تو ازراہ احسان انھیں بھی کچھ نہ کچھ دے دیا کرو۔ تنگ دلی اور تنگ ظرفی سے کام نہ لو۔ اور اگر ایسا نہ کرسکو تو کم از کم ان سے نرمی سے بات کرو۔ مثلاً یہ کہ یہ مال یتیموں کا ہے یا مرنے والے نے ایسی کو ئی وصیت نہیں کی وغیرہ وغیرہ۔