سورة القمر - آیت 9

كَذَّبَتْ قَبْلَهُمْ قَوْمُ نُوحٍ فَكَذَّبُوا عَبْدَنَا وَقَالُوا مَجْنُونٌ وَازْدُجِرَ

ترجمہ مکہ - مولانا جوناگڑھی صاحب

ان سے پہلے قوم نوح نے بھی ہمارے بندے کو جھٹلایا تھا اور دیوانہ بتلا کر جھڑک دیا گیا تھا (١)۔

تسہیل البیان فی تفسیر القرآن - ام عمران شکیلہ بنت میاں فضل حسین

دیرینہ انداز کفر: اللہ تعالیٰ اپنے نبی سے فرما رہا ہے کہ اے نبی! آپ صلی اللہ علیہ وسلم کی اُمت سے پہلے اُمت نوح نے بھی جو ہمارے بندے حضرت نوح علیہ السلام تھے ان کی تکذیب کی۔ اسے مجنون کہا، پھر ڈانٹا ڈپٹا، اور دھمکایا۔ صاف کہہ دیا کہ اگر تم باز نہ آئے تو ہم تجھے پتھروں سے مار ڈالیں گے۔