اس آیت میں واضح طور پر آخرت، اس کی اہمیت اور اس کی حکمت بیان کی گئی ہے۔ یعنی دنیا میں مشرک و موحد، نیک اور بد، متقی اور عالم کے اعمال کا نتیجہ اتنا واضح طور پر نہیں نکلا کرتا، جس سے انسان بھلائی کی راہ قبول کرنے پر مجبور ہو جائے۔ یہ دنیا صرف دارالعمل ہے۔ دارالجزا اُخروی زندگی ہے۔ وہاں برے اور بھلے، مشرک و موحد کا فرق اتنا واضح ہو جائے گا جس کو ہر شخص دیکھ بھی لے گا۔ اور عذاب و ثواب اس پر واقع بھی ہو گا۔