سورة النجم - آیت 21

أَلَكُمُ الذَّكَرُ وَلَهُ الْأُنثَىٰ

ترجمہ مکہ - مولانا جوناگڑھی صاحب

کیا تمہارے لئے لڑکے اور اللہ کے لئے لڑکیاں ہیں (١)

تسہیل البیان فی تفسیر القرآن - ام عمران شکیلہ بنت میاں فضل حسین

گویا مشرکین عرب دوہرا ظلم ڈھاتے تھے ایک تو اللہ کی اولاد قرار دیتے تھے اور انھیں اللہ کا شریک سمجھتے تھے۔ دوسرے شریک بھی ایسے جنھیں اللہ کی بیٹیاں قرار دیتے تھے جب کہ اپنے لیے وہ بیٹیوں کو قطعاً پسند نہ کرتے تھے بلکہ انھیں زندہ درگو کر دیتے تھے۔