تعارف سورة النجم: حضرت عبداللہ رضی اللہ عنہ سے مروی ہے کہ سب سے پہلی آیت جس میں سجدہ تھا سورۂ النجم اتری ہے۔ نبی صلی اللہ علیہ وسلم نے اور آپ کے پیچھے لوگ جتنے تھے سب نے سجدہ کیا، لیکن ایک شخص کو میں نے دیکھا کہ اس نے اپنی مٹھی میں مٹی لے کر اسی پر سجدہ کر لیا پھر میں نے دیکھا کہ وہ اس کے بعد کفر کی حالت میں ہی مارا گیا یہ اُمیہ بن خلف تھا۔ (صحیح بخاری: ۴۸۶۳) بعض طریق میں اس کا نام عتبہ بن ربیعہ بتلایا گیا ہے ۔