سورة الذاريات - آیت 45

فَمَا اسْتَطَاعُوا مِن قِيَامٍ وَمَا كَانُوا مُنتَصِرِينَ

ترجمہ مکہ - مولانا جوناگڑھی صاحب

پس نہ تو کھڑے ہو سکے (١) اور نہ بدلہ لے سکے (٢)

تسہیل البیان فی تفسیر القرآن - ام عمران شکیلہ بنت میاں فضل حسین

یہ صرف ان کی سرکشی، سرتابی، نافرمانی اور سیاہ کاری کا بدلہ تھا۔ ان پر ان کے دیکھتے دیکھتے عذاب الٰہی آ گیا۔ تین دن توبہ کے انتظار میں رہے عذابوں کے آثار دیکھتے رہے۔ آخر چوتھے دن صبح ہی صبح رب کا عذاب دفعةً آ پڑا۔ جس سے وہ جو اس باختہ رہ گئے کوئی تدبیر نہ بن پڑی۔ اتنی بھی مہلت نہ ملی کہ کھڑے ہو کر بھاگنے کی کوشش کرتے یا کسی طرح اپنے بچاؤ کی کچھ فکر کر سکتے۔