سورة الذاريات - آیت 30

قَالُوا كَذَٰلِكِ قَالَ رَبُّكِ ۖ إِنَّهُ هُوَ الْحَكِيمُ الْعَلِيمُ

ترجمہ مکہ - مولانا جوناگڑھی صاحب

انہوں نے کہا ہاں تیرے پروردگار نے اسی طرح فرمایا ہے، بیشک وہ حکیم و علیم ہے (١)۔

تسہیل البیان فی تفسیر القرآن - ام عمران شکیلہ بنت میاں فضل حسین

فرشتوں نے کہا یہ ہم نہیں جانتے کہ کیسے ہو گا؟ ہم تو یہ جانتے ہیں کہ چوں کہ تیرے رب نے ایسا کہا ہے لہٰذا ایسا ضرور ہو گا اور وہ اپنے کام کی حکمتوں کو خود ہی خوب جانتا ہے۔ کہ وہ حضرت ابراہیم علیہ السلام پر کیسی کیسی نوازشات کرنا چاہتا ہے۔ الحمد للہ! الحمد للہ! اللہ تعالیٰ کے فضل و کرم اور اس کے لطف و رحم سے تفسیر محمدی کا چھبیسواں پارہ بھی ختم ہوا۔