سورة الذاريات

وَبِالْأَسْحَارِ هُمْ يَسْتَغْفِرُونَ

اور صبح کے وقت استغفار کیا کرتے تھے۔ (١)

استغفار کرنا: وقت سحر قبولیت دعا کے بہترین اوقات میں سے ہے۔ ایک حدیث میں آتا ہے کہ ’’ جب رات کا آخری تہائی حصہ باقی رہ جاتا ہے۔ تو اللہ تعالیٰ آسمان دنیا پر نزول فرماتا ہے۔ اور ندا دیتا ہے کہ کوئی توبہ کرنے والا ہے۔ کہ میں اس کی توبہ قبول کروں؟ کوئی بخشش مانگنے والا ہے کہ میں اسے بخش دوں، کوئی سائل ہے کہ میں اس کے سوال کو پورا کر دوں یہاں تک کہ فجر طلوع ہو جاتی ہے۔‘‘ (بخاری: ۱۱۴۵، مسلم: ۷۵۸)