سورة ق - آیت 9

وَنَزَّلْنَا مِنَ السَّمَاءِ مَاءً مُّبَارَكًا فَأَنبَتْنَا بِهِ جَنَّاتٍ وَحَبَّ الْحَصِيدِ

ترجمہ مکہ - مولانا جوناگڑھی صاحب

اور ہم نے آسمان سے بابرکت پانی برسایا اور اس سے باغات اور کٹنے والے کھیت کے غلے پیدا کئے۔ (١)

تسہیل البیان فی تفسیر القرآن - ام عمران شکیلہ بنت میاں فضل حسین

اللہ تعالیٰ فرماتا ہے کہ ہم نے آسمان سے نفع دینے والا پانی برسا کر اس سے باغات اور وہ کھتیاں بنائیں جو کاٹی جاتی ہیں مثلاً گندم، مکئی، جو، باجرا، دالیں اور چاول وغیرہ اور پھر ان کو ذخیرہ کر لیا جاتا ہے۔