سورة الحجرات

إِنَّ الَّذِينَ يُنَادُونَكَ مِن وَرَاءِ الْحُجُرَاتِ أَكْثَرُهُمْ لَا يَعْقِلُونَ

جو لوگ آپ کو حجروں کے پیچھے سے پکارتے ہیں ان میں اکثر (بالکل) بے عقل ہیں (١)۔

آداب خطاب: یہ آیت قبیلہ بنو تمیم کے بعض اعرابیوں (گنوار قسم کے لوگ) کے بارے میں نازل ہوئی۔ جنہوں نے ایک روز دوپہر کے وقت، جو کہ نبی صلی اللہ علیہ وسلم کے قیلولہ کا وقت تھا۔ حجرے کے باہر کھڑے ہو کر بڑے زور سے یا محمد! یا محمد! کی آوازیں لگانے لگے تا کہ آپ صلی اللہ علیہ وسلم باہر تشریف لے آئیں۔ (مسند احمد: ۴/ ۳۱۱)