منافقین خود تو جہاد میں حصہ نہیں لیتے تھے دوسرے ان کے جو بھائی جہاد میں حصہ لے رہے تھے انھیں ملامت شروع کردی کہ اگر وہ ہماری بات مان لیتے تو قتل نہ کیے جاتے، اللہ تعالیٰ نے فرمایا کہ اگر تم سچے ہو تو اپنے سے موت کو ٹال کر دکھاؤ۔ مطلب یہ ہے کہ تقدیر سے کسی کو مفر نہیں۔ موت جہاں اور جیسے مقدر میں ہے وہاں اُسی صورت میں آکر رہے گی اس لیے جہاد اور اللہ کی راہ میں لڑنے سے فرار اور گریز کسی کی موت کو نہیں ٹال سکتا۔