سورة آل عمران

وَمَا أَصَابَكُمْ يَوْمَ الْتَقَى الْجَمْعَانِ فَبِإِذْنِ اللَّهِ وَلِيَعْلَمَ الْمُؤْمِنِينَ

تمہیں جو کچھ اس دن پہنچا جس دن دو جماعتوں میں مڈ بھیڑ ہوئی تھی وہ سب اللہ کے حکم سے تھا اس لئے تاکہ اللہ تعالیٰ ایمان والوں کو ظاہری طور پر جان لے۔

جس دن دو جماعتیں بھڑگئیں، اللہ کی حکمت دیکھیے کہ اللہ تعالیٰ نے شکست دے کر مسلمانوں کو بہت سے فوائد پہنچائے کھرے کھوٹے کی پہچان ہوگئی۔ توکل کرنے والوں کے پاؤں جم گئے، غزوہ اُحد کے بعد رسول اللہ کی اطاعت کی کوشش کرتے رہے۔ اخلاص کھل کر سامنے آگیا۔ رجوع اللہ کی طرف ہوا۔ تقدیر پر بھروسہ کرنا آگیا۔