سورة الجاثية - آیت 33

وَبَدَا لَهُمْ سَيِّئَاتُ مَا عَمِلُوا وَحَاقَ بِهِم مَّا كَانُوا بِهِ يَسْتَهْزِئُونَ

ترجمہ جوناگڑھی - محمد جونا گڑھی

اور ان پر اپنے اعمال کی برائیاں کھل گئیں اور جس کا وہ مذاق اڑا رہے تھے اس نے انہیں گھیر لیا۔

تسہیل البیان فی تفسیر القرآن - ام عمران شکیلہ بنت میاں فضل حسین

اب ان کی بد اعمالیوں کی سزا ان کے سامنے آ گئی۔ اپنی آنکھوں سے اپنے کرتوت کا بدلہ دیکھ چکے۔ اور جس عذاب و سزا کے انکاری تھے جسے مذاق میں اُڑاتے رہے تھے۔ ان عذابوں نے انہیں چہار طرف سے گھیر لیا ہے۔