سورة الزخرف

وَلَا يَصُدَّنَّكُمُ الشَّيْطَانُ ۖ إِنَّهُ لَكُمْ عَدُوٌّ مُّبِينٌ

اور شیطان تمہیں روک نہ دے یقیناً وہ تمہارا صریح دشمن ہے۔

یعنی جو شخص بھی قیامت کے آنے میں شک کرتا ہے وہ سمجھ لے کہ شیطان کے ہتھے چڑھ گیا اور شیطان کی سب سے بڑی دشمنی یہی ہے کہ کوئی شخص قیامت کے بارے میں شک کرنے لگ جائے متواتر احادیث میں رسول اللہ صلی اللہ علیہ وسلم نے خبر دی ہے کہ قیامت کے دن سے پہلے حضرت عیسیٰ علیہ السلام امام عادل اور حاکم باانصاف ہو کر نازل ہوں گے۔ (تفسیر طبری: ۲۱/ ۶۳۲) پس تم قیامت کا آنا یقینی جانو، اس میں شک شبہ نہ کرو۔ اور جو خبریں تمہیں دے رہا ہوں۔ اس میں میری تابعداری کرو۔ یہی صراط مستقیم ہے۔ کہیں ایسا نہ ہو کہ شیطان جو تمہارا کھلا دشمن ہے۔ تمہیں صحیح راہ سے اور میری واجب اتباع سے روک دے۔