مشرکین کی کج بحثی: یعنی مشرکین ایسی بحث اس لیے نہیں چھیڑتے کہ اگر انھیں معقول جواب مل جائے تو اسے تسلیم کر لیں گے بلکہ اس لیے کرتے ہیں کہ ایسی کج بحثی ان کی فطرت میں داخل ہو چکی ہے۔ اور وہ حق بات کو کج بحثیوں میں اُلجھا کر لوگوں کو حق کے قریب آنے سے روکنے کی کوششوں میں لگے ہوئے ہیں۔ نبی صلی اللہ علیہ وسلم نے فرمایا: ’’اللہ تعالیٰ کو آدمیوں میں سے زیادہ ناپسند وہ ہے جو ہٹ دھرم اور سخت جھگڑا لو ہو۔‘‘ (مسلم: ۲۶۶۸)