سورة الزخرف

بَلْ مَتَّعْتُ هَٰؤُلَاءِ وَآبَاءَهُمْ حَتَّىٰ جَاءَهُمُ الْحَقُّ وَرَسُولٌ مُّبِينٌ

بلکہ میں نے ان لوگوں کو اور ان کے باپ دادوں کو سامان (اور اسباب) (١) دیا، یہاں تک کہ ان کے پاس حق اور صاف صاف سنانے والا رسول آگیا (٢)،

اللہ تعالیٰ نے تمہیں اور تمہارے آباء و اجداد کو جو سامان زیست اور نعمتیں عطا کی تھیں ان کے مزوں میں پڑ کر اللہ سے بالکل غافل ہو گئے۔ یہ شرکیہ رسوم تمہارے سامان عیش و عشرت کا سہارا بنی ہوئی تھیں جنھیں اب تم چھوڑنے پر آمادہ نہیں ہوتے۔ رسول مبین: یعنی یہ رسول تمہیں توحید کی راہیں کھول کھول کر سمجھانے والا ہے۔ حق سے قرآن اور رسول سے محمد صلی اللہ علیہ وسلم مراد ہیں۔