سورة غافر - آیت 61
اللَّهُ الَّذِي جَعَلَ لَكُمُ اللَّيْلَ لِتَسْكُنُوا فِيهِ وَالنَّهَارَ مُبْصِرًا ۚ إِنَّ اللَّهَ لَذُو فَضْلٍ عَلَى النَّاسِ وَلَٰكِنَّ أَكْثَرَ النَّاسِ لَا يَشْكُرُونَ
ترجمہ مکہ - مولانا جوناگڑھی صاحب
اللہ تعالیٰ نے تمہارے لئے رات بنا دی کہ تم اس میں آرام حاصل کرو (١) اور دن کو دیکھنے والا بنا دیا (٢) بیشک اللہ تعالیٰ لوگوں پر فضل و کرم والا ہے لیکن اکثر لوگ شکر گزاری نہیں کرتے۔ (٣)
تسہیل البیان فی تفسیر القرآن - ام عمران شکیلہ بنت میاں فضل حسین
احسانات و انعامات کا تذکرہ: اللہ تعالیٰ احسان بیان فرماتا ہے کہ اس نے رات کو سکون و راحت کی چیز بنایا اور دن کو روشن اور چمکیلا تاکہ ہر شخص کو اپنے کام کاج میں، سفر میں طلب معاش میں سہولت ہو۔ اور دن بھر کی تھکان رات کے سکون و آرام سے اتر جائے۔ اللہ تعالیٰ اپنی مخلوق پر بڑے ہی فضل و کرم کرنے والا ہے۔ لیکن اکثر لوگ رب کی نعمتوں کا شکر ادا نہیں کرتے۔