اللہ تعالیٰ فرماتا ہے کہ حق کے ظاہر ہو چکنے کےبعد اسے نہ ماننا اور اس میں نقصانات پیدا کرنے کی کوشش کرنا کافروں کا ہی کام ہے۔ یہ لوگ اگر مال دار اور صاحب عزت ہوں تو آپ کسی دھوکے میں نہ پڑ جانا کہ اگر یہ اللہ کے نزدیک برے ہوتے تو اللہ انھیں اپنی یہ نعمتیں کیوں عطا کرتا۔ شہروں میں چلنا پھرنا آپ کو کسی دھوکے میں نہ ڈال دے یہ تو کچھ یونہی سا فائدہ ہے ۔ آخری انجام تو ان کا جہنم ہے جو بد ترین جگہ ہے۔