سورة الزمر

قِيلَ ادْخُلُوا أَبْوَابَ جَهَنَّمَ خَالِدِينَ فِيهَا ۖ فَبِئْسَ مَثْوَى الْمُتَكَبِّرِينَ

کہا جائے گا کہ اب جہنم کے دروازوں میں داخل ہوجاؤ جہاں ہمیشہ رہیں گے، پس سرکشوں کا ٹھکانا بہت ہی برا ہے۔

اللہ تعالیٰ فرمائے گا دوری اور خسارہ ہو، لعنت اور پھٹکار ہو اہل دوزخ پر۔ ان سے کہہ دیا جائے گا کہ اب جاؤ جہنم میں۔ یہیں ہمیشہ جلتے جھلستے رہنا۔ یہاں سے کسی وقت چھٹکارا ہے اور نہ موت آئے گی آہ! یہ کیا ہی برا ٹھکانہ ہے۔ جس میں دن رات جلنا ہی جلنا ہے۔ یہ ہے تمہارے تکبر اور حق کو نہ ماننے کا بدلہ۔ اللہ تعالیٰ ہمیں محفوظ رکھے۔ آمین