سورة الزمر - آیت 55

وَاتَّبِعُوا أَحْسَنَ مَا أُنزِلَ إِلَيْكُم مِّن رَّبِّكُم مِّن قَبْلِ أَن يَأْتِيَكُمُ الْعَذَابُ بَغْتَةً وَأَنتُمْ لَا تَشْعُرُونَ

ترجمہ مکہ - مولانا جوناگڑھی صاحب

اور پیروی کرو اس بہترین چیز کی جو تمہاری طرف نازل کی گئی ہے۔ اس سے پہلے کہ تم پر اچانک عذاب آجائے اور تمہیں اطلاع بھی نہ ہو (١)

تسہیل البیان فی تفسیر القرآن - ام عمران شکیلہ بنت میاں فضل حسین

یعنی توبہ اور نیک عمل کی طرف سبقت کریں عظمت والے قرآن کریم کی تابعداری کریں اور امر کو اچھی سے اچھی شکل میں بجا لائیں نواہی سے پوری طرح اجتناب کریں۔ جس بات میں شک ہوا اسے بھی چھوڑ دیں۔ اس سے پہلے کہ اچانک عذاب آ جائے اور یہ بے خبری میں ہی ہوں۔