مال کی کشادگی اللہ کی رضا کی دلیل نہیں: پہلی قومیں بھی اس غلط فہمی میں مبتلا رہیں کہ ہماری آسودہ حالی اس بات کی دلیل ہے کہ ہمارا پروردگار ہم سے راضی اور خوش ہے پھر وہ اس بات کو اپنے آبائی شرکیہ دین کی صداقت پر دلیل لاتے تھے تو انھیں ان باتوں کا جو انجام دیکھنا پڑا وہ سب کو معلوم ہے۔ اور اب جو مشرکین انہی کی ڈگر پر چل رہے ہیں تو یہ بھی ایسے ہی انجام سے دو چار ہونے والے ہیں یہ کہیں بھاگ کر اللہ کی گرفت سے بچ نہیں سکتے۔