سورة الزمر - آیت 2

إِنَّا أَنزَلْنَا إِلَيْكَ الْكِتَابَ بِالْحَقِّ فَاعْبُدِ اللَّهَ مُخْلِصًا لَّهُ الدِّينَ

ترجمہ مکہ - مولانا جوناگڑھی صاحب

یقیناً ہم نے اس کتاب کو آپ کی طرف حق کے ساتھ (١) نازل فرمایا ہے پس آپ اللہ ہی کی عبادت کریں، اسی کے لئے دین کو خالص کرتے ہوئے (٢)

تسہیل البیان فی تفسیر القرآن - ام عمران شکیلہ بنت میاں فضل حسین

یعنی تجھے چاہیے کہ خود اللہ کی عبادتوں میں اور اس کی توحید میں مشغول رہ کر ساری دنیا کو اس طرف بلاؤ کیوں کہ اس اللہ کے سوا کوئی عبادت کے لائق نہیں وہ بے مثال ہے۔ اس کا کوئی شریک نہیں دین خالص وہی ہے۔ اس کتاب میں توحید و رسالت، معاد اور احکام و فرائض کا جو اثبات کیا گیا ہے۔ وہ سب حق ہے اور انہی کے ماننے اور اختیار کرنے میں انسان کی نجات ہے۔