سورة الصافات

أَلَا إِنَّهُم مِّنْ إِفْكِهِمْ لَيَقُولُونَ

آگاہ رہو! کہ یہ لوگ صرف اپنی بہتان پروازی سے کہہ رہے ہیں۔

دراصل یہ قول ان کا محض جھوٹ ہے کہ اللہ اولاد رکھتا ہے۔ وہ اولاد سے پاک ہے پس ان لوگوں کے تین جھوٹ اور تین کفر ہوئے اول تو یہ کہ فرشتے اللہ کی اولاد ہیں۔ دوسرے یہ کہ اولاد بھی لڑکیاں۔ تیسرے یہ کہ خود فرشتوں کی عبادت شروع کر دی۔ پھر اللہ تعالیٰ فرماتا ہے کہ آخر کس چیز نے اللہ کو مجبور کیا کہ اس نے لڑکے تو اپنائے نہیں اور لڑکیاں اپنی ذات کے لیے پسند فرمائیں۔ جب کہ تم خود اپنے لیے بیٹے پسند کرتے ہو بیٹیاں نہیں اگر یہ لڑکی ہونے کی خبر پائیں تو ان کے چہرے سیاہ پڑ جاتے ہیں۔ اور اللہ کے لیے لڑکیاں ثابت کرتے ہیں۔