سورة الصافات

إِنَّ هَٰذَا لَهُوَ الْبَلَاءُ الْمُبِينُ

درحقیقت یہ کھلا امتحان تھا (١)۔

بھلا جس آزمائش کے متعلق اللہ تعالیٰ خود فرمائیں کہ وہ ایک بہت بڑی آزمائش تھی۔ بلاشبہ وہ واقعی ایک بڑی آزمائش تھی اور اس کا تصور یوں کیا جا سکتا ہے کہ ایک بوڑھا باپ ہو۔ جس کا ایک ہی نوجوان بچہ ہو۔ اسے بھی اللہ سے دعائیں کر کے لیا ہو۔ اس باپ سے کہا جائے کہ اسے میری راہ میں قربان کر دو۔ تو اس کے دل پر کیا گزرتی ہے۔