سورة الصافات - آیت 79

سَلَامٌ عَلَىٰ نُوحٍ فِي الْعَالَمِينَ

ترجمہ مکہ - مولانا جوناگڑھی صاحب

نوح (علیہ السلام) پر تمام جہانوں میں سلام ہو۔

تسہیل البیان فی تفسیر القرآن - ام عمران شکیلہ بنت میاں فضل حسین

حضرت نوح علیہ السلام پر سلام: یعنی قیامت تک آنے والے اہل ایمان میں ہم نے نوح علیہ السلام کا ذکر خیر باقی چھوڑ دیا ہے۔ اور وہ سب نوح علیہ السلام پر سلام بھیجتے ہیں اور بھیجتے رہیں گے۔ اور ہماری یہ عادت ہے کہ جو شخص خلوص کے ساتھ ہماری عبادت و اطاعت پر جم جائے ہم بھی اس کا ذکر جمیل بعد والوں میں ہمیشہ کے لیے باقی رکھتے ہیں لیکن نوح علیہ السلام کے مخالفین غارت و غرق کر دئیے گئے۔