سورة سبأ - آیت 44

وَمَا آتَيْنَاهُم مِّن كُتُبٍ يَدْرُسُونَهَا ۖ وَمَا أَرْسَلْنَا إِلَيْهِمْ قَبْلَكَ مِن نَّذِيرٍ

ترجمہ جوناگڑھی - محمد جونا گڑھی

اور ان (مکہ والوں) کو نہ تو ہم نے کتابیں دے رکھی ہیں جنہیں یہ پڑھتے ہوں نہ ان کے پاس آپ سے پہلے کوئی آگاہ کرنے والا آیا (١)

تسہیل البیان فی تفسیر القرآن - ام عمران شکیلہ بنت میاں فضل حسین

کفار کے پاس نہ کوئی کتاب تھی نہ کوئی ڈرانے والا آیا: یعنی ان کے پاس نہ کوئی نبی آیا اور نہ اللہ کی کتاب ہی نازل ہوئی اس لیے انھیں مدتوں سے یہ تمنا تھی کہ اگر اللہ کا رسول ہم میں آتا، اگر کتاب اللہ ہم پر اترتی تو ہم سب سے زیادہ مطیع و پابند ہو جاتے لیکن جب اللہ نے ان کی یہ دیرینہ آرزو پوری کی تو جھٹلانے اور انکار کرنے لگے۔ (ابن کثیر)