سورة السجدة - آیت 26

أَوَلَمْ يَهْدِ لَهُمْ كَمْ أَهْلَكْنَا مِن قَبْلِهِم مِّنَ الْقُرُونِ يَمْشُونَ فِي مَسَاكِنِهِمْ ۚ إِنَّ فِي ذَٰلِكَ لَآيَاتٍ ۖ أَفَلَا يَسْمَعُونَ

ترجمہ مکہ - مولانا جوناگڑھی صاحب

کیا اس بات نے بھی انھیں کوئی ہدایت نہیں دی کہ ہم نے پہلے بہت سی امتوں کو ہلاک کردیا جن کے مکانوں میں یہ چل پھر رہے ہیں (١) اس میں تو بڑی بڑی نشانیاں ہیں، کیا پھر بھی یہ نہیں سنتے؟

تسہیل البیان فی تفسیر القرآن - ام عمران شکیلہ بنت میاں فضل حسین

پچھلی اُمتیں، جو تکذیب اور عدم ایمان کی وجہ سے ہلاک ہوئیں یعنی قوم عاد قوم ثمود اور قوم شعیب جو عرب تعلق رکھنے والی قومیں تھیں۔ کیا یہ نہیں دیکھتے کہ آج ان کا وجود دنیا میں نہیں ہے۔ البتہ ان کے مکانات ہیں جن کے یہ وارث بنے ہوئے ہیں۔ اس سے اہل مکہ کو یہ تنبیہ ہے کہ تمہارا حشر بھی یہی ہو سکتا ہے اگر تم ایمان نہ لائے۔ (احسن البیان)