سورة السجدة

تَنزِيلُ الْكِتَابِ لَا رَيْبَ فِيهِ مِن رَّبِّ الْعَالَمِينَ

بلا شبہ اس کتاب کا اتارنا تمام جہانوں کے پروردگار کی طرف سے ہے (١)

مطلب یہ ہے کہ یہ کتاب فرمانروائے کائنات کی طرف سے نازل شدہ ہے۔ اس میں شک و شبہ کی کوئی گنجائش نہیں۔ اس آیت میں دراصل مشرکین مکہ کے کئی اعتراضات کا جواب آ گیا ہے۔ کبھی وہ کہتے ہیں کہ اسے کوئی عجمی سکھا جاتا ہے۔ کبھی کہتے ہیں کہ اس نے خود ہی تصنیف کر ڈالی ہے۔ اس اعتراض کے پہلو بے شمار تھے مگر سب کا حاصل یہی تھا کہ یہ کتاب نہ اللہ کی طرف سے ہے نہ یہ اللہ کا رسول ہے انہی دو بنیادی باتوں کا رد اس آیت میں ہے۔