سورة الروم

مُنِيبِينَ إِلَيْهِ وَاتَّقُوهُ وَأَقِيمُوا الصَّلَاةَ وَلَا تَكُونُوا مِنَ الْمُشْرِكِينَ

(لوگو!) اللہ تعالیٰ کی طرف رجوع ہو کر اس سے ڈرتے رہو اور نماز قائم رکھو اور مشرکین میں سے نہ ہوجاؤ (١)

یعنی تم سب اللہ کی طرف راغب رہو۔اُسی کی طرف جھکے رہو۔اسی کاڈرخوف رکھو۔نمازوں کی پابندی کروجوسب سے بڑی عبادت اور اطاعت ہے۔تم مشرک نہ بنوبلکہ موحدخالص بن جاؤ۔اس کے سواکسی اورسے کوئی مرادوابستہ نہ رکھو۔حضرت معاذ رضی اللہ عنہ سے حضرت عمر رضی اللہ عنہ نے اس آیت کامطلب پوچھاتوآپ رضی اللہ عنہ نے فرمایاکہ یہ تین چیزیں ہیں اوریہی نجات کی جڑہیں اول اخلاص جوفطرت ہے جس پراللہ تعالیٰ نے مخلوق کوپیداکیاہے دوسری نماز جو دراصل دین ہے تیسری اطاعت جوعصمت وبچاؤہے۔حضرت عمر رضی اللہ عنہ نے فرمایاآپ رضی اللہ عنہ نے سچ کیا۔ (تفسیرطبری ۲۰/۹۸، ابن کثیر)