سورة العنكبوت - آیت 61

وَلَئِن سَأَلْتَهُم مَّنْ خَلَقَ السَّمَاوَاتِ وَالْأَرْضَ وَسَخَّرَ الشَّمْسَ وَالْقَمَرَ لَيَقُولُنَّ اللَّهُ ۖ فَأَنَّىٰ يُؤْفَكُونَ

ترجمہ مکہ - مولانا جوناگڑھی صاحب

اور اگر آپ ان سے دریافت کریں کہ زمین و آسمان کا خالق اور سورج اور چاند کو کام میں لگانے والا کون ہے؟ تو ان کا جواب یہی ہوگا کہ اللہ تعالیٰ (١) پھر کدھر الٹے جا رہے ہیں (٢)

تسہیل البیان فی تفسیر القرآن - ام عمران شکیلہ بنت میاں فضل حسین

اگرآپ مشرکین سے پوچھیں کہ زمین وآسمان کاپیداکرنے والا،سورج چاندکومسخرکرنے والا،دن رات کوپے درپے لانے والا،خالق،رازق اور موت وحیات پرقادرکون ہے؟ تو ضرور کہیں گے کہ اللہ جب مشرکین خودمانتے ہیں کہ سب چیزوں کا خالق اور سب پرقابض صرف اللہ تعالیٰ ہی ہے۔توپھراس کے سوادوسروں کی عبادت کیوں کرتے ہیں اوراس کے سوادوسروں پرتوکل کیوں کرتے ہیں۔ (ابن کثیر)