سورة العنكبوت

وَالَّذِينَ آمَنُوا وَعَمِلُوا الصَّالِحَاتِ لَنُبَوِّئَنَّهُم مِّنَ الْجَنَّةِ غُرَفًا تَجْرِي مِن تَحْتِهَا الْأَنْهَارُ خَالِدِينَ فِيهَا ۚ نِعْمَ أَجْرُ الْعَامِلِينَ

اور جو لوگ ایمان لائے اور نیک کام کئے انھیں یقیناً جنت کے ان بالا خانوں میں جگہ دیں گے جن کے نیچے چشمے بہہ رہے ہیں (١) جہاں وہ ہمیشہ رہیں گے (٢) نیک کام کرنے والوں کا کیا ہی اچھا اجر ہے۔

یعنی ایمان دار اور نیک اعمال والے لوگوں کواللہ تعالیٰ جنت عدن کی بلندوبالامنزلوں میں پہنچائے گا۔جن کے نیچے قسم قسم کی نہریں بہہ رہی ہوں گی۔یہ نہریں پانی، شراب، شہد اور دودھ کی ہوں گی۔یہ نہریں یہ چشمے،جنتی جہاں چاہیں گے خودبخودبہنے لگیں گے یہ وہاں ہمیشہ رہیں گے۔نہ وہاں سے نکالے جائیں گے نہ ہٹائے جائیں گے۔نہ وہ نعمتیں ختم ہوں گی نہ ان میں گھاٹا ہوگا۔ (ابن کثیر)