سورة العنكبوت - آیت 55

يَوْمَ يَغْشَاهُمُ الْعَذَابُ مِن فَوْقِهِمْ وَمِن تَحْتِ أَرْجُلِهِمْ وَيَقُولُ ذُوقُوا مَا كُنتُمْ تَعْمَلُونَ

ترجمہ مکہ - مولانا جوناگڑھی صاحب

اس دن انکے اوپر تلے سے انھیں عذاب ڈھانپ رہا ہوگا اور اللہ تعالیٰ (١) فرمائے گا کہ اب اپنے (بد) اعمال کا مزہ چھکو۔

تسہیل البیان فی تفسیر القرآن - ام عمران شکیلہ بنت میاں فضل حسین

اللہ تعالیٰ فرماتاہے اس دن انہیں نیچے سے آگ ڈھانک لے گی۔جیسے کہ ارشاد ہے: ﴿لَهُمْ مِّنْ جَهَنَّمَ مِهَادٌ وَّ مِنْ فَوْقِهِمْ غَوَاشٍ﴾ (الاعراف: ۴۱) ’’ان کے لیے آتش دوزخ کا بچھونا ہو گا اور ان کے اوپر(اسی کا)اوڑھناہوگا۔‘‘ اور فرمایا: ﴿لَوْ يَعْلَمُ الَّذِيْنَ كَفَرُوْا حِيْنَ لَا يَكُفُّوْنَ عَنْ وُّجُوْهِهِمُ النَّارَ وَ لَا عَنْ ظُهُوْرِهِمْ﴾ (الانبیاء: ۳۹) ’’کاش یہ کافرجانتے کہ اس وقت نہ تویہ کافرآگ کواپنے چہروں سے ہٹاسکیں گے اورنہ اپنی پیٹھوں سے۔‘‘ ان آیتوں سے معلوم ہو گیاکہ ہرطرف سے ان کفار کو آگ کھا رہی ہو گی۔ یہ اس وقت ہو گا جب ان کفارکواوندھے منہ گھسیٹ کرجہنم میں ڈالاجائے گااورکہاجائے گا۔ لو اب آگ کے عذاب کامزہ چکھو۔تمہیں اپنے اعمال کابدلہ ضروربھگتناہے۔