سورة العنكبوت - آیت 37

فَكَذَّبُوهُ فَأَخَذَتْهُمُ الرَّجْفَةُ فَأَصْبَحُوا فِي دَارِهِمْ جَاثِمِينَ

ترجمہ مکہ - مولانا جوناگڑھی صاحب

پھر بھی انہوں نے انھیں جھٹلایا آخرکار انھیں زلزلے نے پکڑ لیا اور وہ اپنے گھروں میں بیٹھے کے بیٹھے مردہ ہو کر رہ گئے (١)

تسہیل البیان فی تفسیر القرآن - ام عمران شکیلہ بنت میاں فضل حسین

ان لوگوں نے اپنے پیغمبر کی نصیحتوں پر کان نہ دھرا،بلکہ انھیں جھوٹا کہا۔ اس بناء پر ان پرعذاب الٰہی برس پڑا۔ چنانچہ ایک سخت بھونچال آیا اور ساتھ ہی اتنی تندوتیزآواز آئی جس سے دل اُڑ گئے اور روحیں پرواز کر گئیں، اور وہ گھٹنوں کے بل بیٹھے کے بیٹھے رہ گئے۔