سورة العنكبوت - آیت 9

وَالَّذِينَ آمَنُوا وَعَمِلُوا الصَّالِحَاتِ لَنُدْخِلَنَّهُمْ فِي الصَّالِحِينَ

ترجمہ مکہ - مولانا جوناگڑھی صاحب

اور جن لوگوں نے ایمان قبول کیا اور نیک کام کئے انھیں اپنے نیک بندوں میں شمار کرلوں گا۔ (١)

تسہیل البیان فی تفسیر القرآن - ام عمران شکیلہ بنت میاں فضل حسین

نیک بندوں میں شمار کر لوں گا: یعنی اگر کسی کے والدین مشرک ہوں گے تومومن بیٹانیکیوں کے ساتھ ہوگاوالدین کے ساتھ نہیں، اس لیے گو تو دنیا میں والدین اس کے بہت قریب رہے ہوں گے۔لیکن اس کی محبت دینی اہل ایمان ہی کے ساتھ تھی،تواللہ ان کوصالحین کے زمرہ میں شامل فرمادے گا۔